<h3 style="text-align: justify;"><span style="font-size: 18pt;">ئاژانسا ههوالگێرییا تایبهت ب رووبرووبوونا تیرۆرێ ل وهزارهتا ناڤخۆ یا عیراقێ دهستهسهركرنا شهش تیرۆرستێن داعش ل مووسلێ راگههاند.</span></h3> <h3 style="text-align: justify;"><span style="font-size: 18pt;">دراگههاندنا ئاژانسا ههوالگێرییا تایبهت ب رووبرووبوونا تیرۆرێدا ل وهزارهتا ناڤخۆ یا عیراقێ ئاماژه ب هندێ هاتییه دان، ل سهر راسپاردهیا وهزیرێ ناڤخۆ، مهفرهزهیێن ئاژانسێ ل پارێزگهها نهینهوا شهش تیرۆرست دهستهسهركرن، كو ل دووڤ ماددهیێ شهش یێ تیرۆرێ ژلایێ دادگههێڤه هاتبوونه داخوازكرن.</span></h3> <h3 style="text-align: justify;"><span style="font-size: 18pt;">ههروهسا راگههاند، دهستهسهركرى سهر ب دیوانا جۆد یا سهربازگههێن ئهبى جهعفهر ئهلئهنسارى سهربازێ كهرتێ عومهر فاروق و دادگهها شهرێ مووسلێ سهر ب رێكخراوا داعشن.</span></h3> <h3 style="text-align: justify;"><span style="font-size: 18pt;">راگههاندنێ دووپاتى ل هندێ كر، ئوپهراسیۆنا دهستهسهركرنا ئهوان تیرۆرستان ل سهر بنهمایێن زانیارییێن ههوالگێریییا وورد بوون، كو ژلایێ وهلاتییانڤه ب دهست ئاژانسێ كهڤتبوون.</span></h3> <h3 style="text-align: justify;"><span style="font-size: 18pt;">ئاژانسێ ئاشكراكر، دهستهسهركرییان دان ب تاوانێن خوه كرییه و رهوانهى دادگههێ هاتینه كرن، داخواز ژ وهلاتییان ژى كر ههر دهمێ زانیارییهك ل دۆر تیرۆرستان ب دهست كهڤت، هێزێن وان ب رێكا هێلا 144 ئاگههدار بكهن.</span></h3>
