خالد عه‌باس: ب تنێ چار رۆژ‌ بۆ تۆماركرنا ناڤێن ده‌نگده‌ران ماینه‌

ئاژانسا خانی:

بەرپرسێ ئۆفیسا دهۆکێ یا کۆمسیۆنا بلندا سەربەخۆیا هەلبژارتنێن عێراقێ دیار كر: ئه‌م دخوازین ئەوێن ناڤێن خۆ تۆمار نەکرین بهێن ناڤێن خۆ تۆمار بکەن” چونکی ب تنێ چار رۆژ ماینه‌ بۆ تۆماركرن و نووكرنا ناڤێن ده‌نگده‌ران” سیسته‌مێ مه‌ یێ بایۆمه‌ترییه‌ و ئه‌و كه‌سێن خۆ تۆمار نه‌كرین” ناڤێن وان د لیستێن ده‌نگدانێ دا نابیت.

خالد عەباسی، زێده‌تر بۆ ئاژاتسا خانی گۆت، هه‌تا شه‌مبییا بهێت 12 ی ته‌باخا ئه‌ڤ ساله‌” دووماهی ژڤانه‌ بۆ تۆمارکرن و نووكرنا ناڤێن دەنگدەران” دبیت ده‌م بۆ خه‌لكێ هەرێما کوردستانێ بهێته‌ درێژ كرن، بەلێ بۆ ئاواران دووماهی ژڤانه‌‌ و بۆ وان ناهێته‌ درێژ کرن، له‌وما ئه‌م داخوازێ ژ وان كه‌سان دكه‌ین ئه‌وێن ناڤێن خۆ تۆمار نه‌كرین بهێن و ناڤێن خۆ تۆمار بکەن، چونكی هه‌كه‌ ناڤێن خۆ تۆمار نه‌كه‌ن نه‌شێن پشكدارییێ د هەلبژارتنێن عیراقێ و په‌رله‌مانێ كوردستانێ ژی دا بکەن.

ناڤهاتی ئاشكرا كر ژی: ئەوێن کارتێن دەنگدانێ هه‌ین و وێنەیێ وان ل سەر نەبیت ئەو ژی نه‌شێن ڤێ جارێ دەنگێن خۆ بدەن، نوكه‌ ڕێژا تۆمارا دەنگدەران ل سنوورێ پارێزگه‌ها دهۆکێ گەهشتییە 77% ێ، هه‌روه‌سا رێژا دابه‌شكرنا كارتێن ده‌نگدانێ ژی ل پارێزگه‌ها دهۆكێ گه‌هشتییه‌ 97% ێ یه‌” هه‌روه‌سا ئه‌و كه‌سێن ژ دایكبوویێن سالێن ( 2004 و 2005) ێ بن” د ڤان هه‌لبژارتنان دا دێ شێن ده‌نگێ خۆ ده‌ن و هژمارا وان ل پارێزگه‌ها دهۆكێ نێزیكی 110 هزار ده‌نگده‌رانه‌.