په‌رله‌مانتاره‌ك: دێ داخوازێ ژ حكومه‌تا عیراقێ كه‌ین نه‌فتا سپی بۆ هه‌رێمێ دابین بكه‌ت

ئاژانسا خانی:

 

ئەندامه‌كێ لژنا نەفت و غازێ ل پەرلەمانێ عێراقێ دبێژیت: ل ده‌ستپێكا هه‌یڤا چریا ئێكێ ب نڤیساره‌كا فه‌رمی دێ داخوازێ ژ حكومه‌تا عیراقێ كه‌ین” بۆ وەرزێ زڤستانا ئه‌ڤ ساله‌ نەفتا سپی بۆ وه‌لاتی یێن ھەرێما کوردستانێ دابین بکه‌ت.

د. سەباح سوبحی، زێده‌تر دیار كر: ئه‌م یێ به‌ره‌ف وه‌رزێ پاییزێ ڤه‌ دچین و پلەیێن گەرمێ یێ بەرەف نزمبوونێ ڤه‌ دچن، سه‌قا ل هنده‌ك ده‌ڤه‌رێن چیایی دێ به‌ره‌ف سه‌رمایێ ڤه‌ چیت” له‌وما وه‌لاتییان پێدڤی ب نەفتا سپی ھەیە بۆ وەرزێ زڤستانێ، ئه‌م ژی وه‌كو لژنا نه‌فت و غازێ ل په‌رله‌مانێ عیراقێ بەردەوام بزاڤان دكه‌ین” نەفتا سپی بۆ خه‌لكێ هه‌رێما كوردستانێ” وه‌كو پارێزگه‌هێن دیتر یێن عیراقێ بهێته‌ دابین كرن.

ناڤهاتی گۆت ژی: ل ڤێ حه‌فتییێ دێ هه‌موو بزاڤان كه‌ین و دێ داخوازێ ژ حكومه‌تا عیراقێ و وه‌زاره‌‌تا نه‌فتا عیراقێ كه‌ین” كو ئه‌ڤ ساله‌ نه‌فتا سپی بۆ وه‌لاتی یێن ھەرێما کوردستانێ دابین بکه‌ت، چونکی ئه‌م و حكومه‌تا عیراقێ ژی نەفتا سپی ژ ده‌رڤه‌ دئینین، دیسان دڤێت ره‌وشا خه‌لكێ لبه‌ر چاڤ بهێته‌ وه‌رگرتن و نه‌فت بۆ بهێته‌ دابین كرن.