<h3></h3> <h3></h3> <h3>ئاژانسا خانی:</h3> <h3>رێڤەبەرێ بازارکرنێ ل دەستەیا گشتی یا گەشتوگوزارێ ل ههرێما كوردستانێ دیار كر: ل دهمهكێ نێزیک دێ دەست ب دامەزراندنا ڕێبەرێن گەشتیاری هێته كرن و پتر ژ سێ ھزار و 500 کەسان فۆرم پێشکێش کرینە و ئهم دێ بزاڤێ كهین ئهو كهسه ههموو بهێنه دامهزراندن" پتری 20% ێ ژ وان كهسێن فۆرمه پێشكیش كرین خهلكێ پارێزگهها دهۆكێ نه.</h3> <h3>سیروان تۆفیق، زێدهتر بۆ ئاژانسا خانی دبێژیت: پێشتر پتر ژ سێ ھزار و 500 کەسان ل ههرێما كوردستانێ ناڤێن خۆ بۆ رێبەرێن گەشتیاری تۆمار کرییه، ل دهمهكێ نێزیک پرۆسا ڕاگەهاندنا ناڤێن ڕێبەرێن گەشتیاری دێ هێنه ئاشکرا كرن، ئەو دەرچوویێن فۆرمێن خۆ پڕکرین وەکو رێبەرێن گەشتیاری دێ هێنه دامەزراندن ل کەرتێ تایبەت، پێشبینی دکەین ئەوێن فۆرم پڕکرین ههموو بهێنه دامەزراندن و ل سالا بهێت دێ دهست ب كار بن" دیسان ههر گرۆپهكێ ژ دهرڤه بهێته كوردستانێ دڤێت رێبهرهكێ گهشتییاری ل گهل دا ههبیت و دڤێت ئهو كهسه خهلكێ كوردستانێ بن.</h3> <h3>ناڤهاتی گۆت ژی: ل دهستپێكێ دێ دەرچوویێن پشكا گەشتوگوزاری هێنه دامەزراندن، پاشی دێ دەرچوویێن زانکۆ و پەیمانگههان و حهز ژێكهرێن گەشتوگوزاری هێنه وهرگرتن، لدووڤ بڕیارا دەستەیا گشتییا گەشتوگوزارا ههرێمێ پێدڤییە ھەموو کۆمپانیێن کەرتێ گەشتوگوزاری رێبەرهكێ گەشتیاری دابمەزرینن و ئهڤ چهنده دێ پتر ههڤكارییا گهشتییاران كهت.</h3> <h3>سیروان تۆفیقی ئاشكرا كر ژی: ھندهك مەرج بۆ دامەزراندنا ڕێبەرێ گەشتیاری ههنه، ژ بلی زمانێ کوردی پێدڤییە پێشکێشکار زمانهكێ دیتر ژی بزانیت، مه ڤییایه دهلیڤێن كاری بۆ خهلكێ خۆ پهیدا بكهین" ههر كۆمپانییهكا گرۆپێن بیانی یێن گهشتییاری بینیت" پێدڤییه رێبهرهكێ گهشتییاری ل گهل دا ههبیت و ئهو كهسه ههموو دێ ل كهرتێ تایبهت دا كاركهن و ههروهسا ههر جههكێ گهشتییاری ل كوردستانێ كار بكهت" دڤێت 75% ێ یا كارمهندێن وێ خهلكێ كوردستانێ بن.</h3>
