پێنتاگۆن: خشته‌یه‌كێ ده‌مكى بۆ گوهۆرینا ئه‌ركێ هه‌ڤپه‌یمانییا نێڤده‌وله‌تى ل عیراقێ دێ هێته‌ دانان

ئه‌مریكا و عیراق ل چه‌ند ڕۆژێن بهێن دێ ده‌ست ب كۆمبوونێن لژنه‌یا بلندا هه‌ڤپه‌شكا دناڤبه‌را خوه‌دا كه‌ن و پێنتاگۆنێ ئاشكراكر، خشته‌یه‌كێ ده‌مكى بۆ گوهۆرینا ئه‌ركێ هه‌ڤپه‌یمانییا نێڤده‌وله‌تى دێ هێته‌ دانان.

وه‌زاره‌تا به‌رگرییا ئه‌مریكا ڕاگه‌هاند، ل چه‌ند ڕۆژێن بهێن دێ دگه‌ل عیراقێ ده‌ست ب كۆمبوونێن لژنه‌یا بلندا دناڤبه‌را خوه‌دا كه‌ن.

سه‌باره‌ت دانانا خشته‌یه‌كێ ده‌مكى بۆ گوهۆرینا ئه‌ركێ هه‌ڤپه‌یمانییا نێڤده‌وله‌تى ڕاگه‌هاند، دانانا خشته‌یه‌كێ ده‌مكى دێ سێ ئه‌گه‌ران به‌رچاڤ وه‌رگریت ئه‌وژى، گه‌فێن داعشێ، پێدڤییێن كاركرنێ و ئاستێ شیانێن هێزێن ئه‌منییێن عیراقێ نه‌.

ئاشكرا ژى كر، ده‌ستپێكرنا كارێ لژنه‌یێ، نیشاندانا پابه‌ندبوونا كوور یا ئه‌مریكا ب سه‌قامگێرییا هه‌رێمى و سه‌روه‌رییا عیراقێیه‌، لژنه‌یا بلندا سه‌ربازى دێ ڕێ ب دروستبوونا هه‌ڤپشكییه‌كا دڕێژخایه‌ن یا دوو قولى دناڤبه‌را ئه‌مریكا و عیراقێدا كه‌ت.