دووماهى ئامارا وه‌زاره‌تا كار و كاروبارێن جڤاكییا عیراقێ دیار دكه‌ت، ژ سه‌رجه‌مێ نێزیكى 40 ملیۆن ئاكنجییێن وه‌لاتى، 10 ملیۆن ل ژێر هێلا هه‌ژارییێ نه كودبیته 25%ێ یا ئاكنجییان، ئه‌ڤه‌ژى وێ دگه‌هینیت كو ژ هه‌ر چار عیراقییان ئێك ژ وان هه‌ژاره.
پترین ڕێژه‌یا هه‌ژارییێ ل پارێزگه‌هێن میسان و دیوانییه یه، كو ئامار دیاردكه‌ن، 62%ێ یا ئاكنجییێن میسان و 50%ێ یا ئاكنجییێن دیوانییه د هه‌ژارن، به‌غدا یا پایته‌خت ژى ل ڕێزا 11ێ دهێت و 14%ێ یا ئاكنجییێن وێ ل ژێر هێلا هه‌ژارییێ نه.
هه‌روه‌سا ڕێژه‌یا بێكارییێ ژى ل عیراقێ ڕۆژ بۆ ڕۆژێ زێده‌تره، ل دووڤ ئامارێن پێگه‌هێ وێلد ئۆ میته‌ى یێ ئه‌مریكى، عیراق د ڕێزبه‌ندییا ڕێژه‌یا بێكارییێدا ل جیهانێ، ل ڕێزا سێیێ دهێت، كو ڕێژه‌یا بێكارییێ تێدا د سه‌ر 36%ێ دایه.
