<h2>نڤیسین؛ كوڤان ئدریس بهرواری</h2> <h2>ل ژێر ڕۆشنایا وان گوهۆڕینێن بلەز و بنەڕەتی یێن کو نەخشەیێ سیاسی یێ ڕۆژهەلاتا ناڤین ب خۆ ڤە دبینیت، هەرێما کوردستانێ وەک کارەکتەرەکێ سیاسی یێ کارا و جێگیر د ناڤا هەموو ئالۆزیاندا مایە. وەک دەرچوویەکێ زانستێن سیاسی، پێدڤییە ئەم ب دیدەگەکا زانستی سەیری ڤێ ڕاستیێ بکەین: مانا قەوارەیێ مە یێ سیاسی نە ڕێکەفتە، بەلکو بەرهەمێ تێکەلبوونا ئیرادەیا گەلی و حیكمەتا سەرکردایەتیەکا ستراتیژیستە.</h2> <h2> دیرۆكا سیاسی یا گەلێ کورد پڕ بوویە ژ تەحەدیان، ژ لایێ وان دەستهەلاتێن فاشیست یێن کو چ جاران بڕوا ب فرەیی و مافێن گەلان نەبوویە. لێ ئەڤڕۆ، ئەڤ قەوارەیە بوویە ئەمرێ واقیعەکا نیڤدهولهتی. ئەڤ سەرکەڤتنە ژ بۆشاییێ نەهاتیە، بەلکو دەرئەنجامێ سێ کۆلەکێن سەرەکی یێن دەستهەلاتێ نە ل کوردستانێ: ئێک: مەرجەعیەتا نەتەوەیی یا جەنابێ سەرۆک مەسعوود بارزانی، کو وەک سیمبوولێ خۆڕاگری و پارێزەرێ بنەمایێن نەتەوەیی، شیایە ناسنامەیا کوردی ل هەمبەر هەر بزاڤهكا ژناڤبرنێ بپارێزیت. دوو: حیكمەت و دبلۆماسیەتا نەرم یا جەنابێ نێچیرڤان بارزانی وەک سەرۆکێ هەرێمێ، کو شیا کوردستانێ بکەتە ناڤەندەکا گرنگا دبلۆماسی ل سەر ئاستێ جیهانی. سێ: دیدەگا ستراتیژی و دامەزراوەیی یا جەنابێ مەسرور بارزانی وەک سەرۆکێ حکومەتا هەرێمێ، کو ب بڕیارێن بوێر بەرەڤ ئاڤاکرنا ژێرخانەکا ب هێز و چەسپاندنا سەروەرییا یاسایێ پێنگاڤان دهاڤێژیت.</h2> <h2> ئەرکێ مە یێ نەتەوەیی ل هەر چار پارچەیێن کوردستانێ، ژ باکور تا ڕۆژئاڤا و ژ ڕۆژهەلات تا باشور، ئەوە کو ئەم بزانین ئێکگرتوویا مە تاقە چەکێ مە یێ ستراتیژی یە. هەر لایەنەک یان هێزەک بزاڤا تێکدانا ڤێ ئێکڕێزیێ بدەت، خزمەتێ ب ئەجێندایێن دۆژمنان دکەت. هێزا پێشمەرگەیێ کوردستانێ، کو ب خوینا هزاران شەهیدێن جانفیدا هاتیە نڤیسین، نە بتنێ هێزەکا سەربازی یە، بەلکو قەلغانێ پاراستنا کەرامەت و ئاخا مەیە. وەک گەنجەکێ ئەکادیمی و دەرچوویێ زانستێن سیاسی، پەیاما من بۆ هەموو لایەنان ئەوە: ل ڤی سەردەمێ ئالۆز، ب تنێ پشتبەستن ب مەرجەعیەتا نەتەوەیی و پاراستنا دامەزراوەیێن هەرێما کوردستانێ دێ مسۆگەریا پاشەڕۆژەکا ئارام کەت. دۆژمن چەند یێ ب هێز بیت د چەک و تانکاندا، نەشێت ئیرادەیا گەلەکێ تێکبشکێنیت کو باوەری ب مان و ناسنامەیا خۆ هەبیت.</h2> <h2>بژیت کورد و کوردستان سەرفرازی بۆ پێشمەرگە و کەسوکارێن شەهیدان سەروەری بۆ ئیرادەیا مللەتێ مە</h2>
