نێچیرڤان بارزانی بۆ وەزیرێ دەرڤە یێ ئەلمانیا: سوپاسییا ئەلمانیا دكەین

نێچیرڤان بارزانی سەرۆكێ هەرێما كوردستانێ دگەل د. یۆهان ڤادەفۆل، وەزیرێ دەرڤە یێ ئەلمانیا كۆمبوو.
دكۆمبوونا واندا پەیوەندییێن ئەلمانیا دگەل عیراقێ و هەرێما كوردستانێ و ڕۆلێ كارا یێ ئەلمانیا ل دەڤەرێ هاتنە گۆتوبێژكرن، نێچیرڤان بارزانی سوپاسی و پێزانین بۆ پشتەڤانی و هاریكارییێن ئەلمانیا دبیاڤێن جۆدا دا بۆ عیراقێ و هەرێما كوردستانێ پێشكێشكرن.
ژلایێ خۆڤە وەزیرێ دەرڤە یێ ئەلمانیا پەسنا پێگەهێ هەرێما كوردستانێ وەكو فاكتەرێ سەقامگێرییێ ل دەڤەرێ كر، هەروەسا پابەندییا وەلاتێ خۆ بۆ بەردەوامییا پشتەڤانیكرنێ ل ئارامییا عیراقێ و هەرێما كوردستانێ نیشاندا.