حکومەتا عێراقێ پێناسا گومركی ل سەر کەلوپەلێن بۆ وان دهێن، ب تایبەت یێن ژ وهلاتێ چینێ زێدە کرییە، ژبەر ڤێ چهندێ، ژمارەیا وان بازرگانێن ژ هەرێما کوردستانێ و عێراقێ دچنە بازاڕێ مەرتەرە دوو جاران زێدە بوویە.
بەری نوکە گومركا هەر مەترەکا سێجا یا کەلوپەلێن چینی دناڤبەرا 100 بۆ 150 دۆلاراندا بوو، لێ نوکە گەهشتییە300 بۆ400 دۆلاران، ڤەگوهاستنا کەلوپەلان ژ تورکیا گەلەك بلهزتره و ب تنێ 3 بۆ 4 ڕۆژان دکێشیت، لێ ژ چینێ دەمەکێ درێژ دڤێت و ڕەنگە هەتا دگەهیت وەرزێ وێ ژی ب سەربچیت.
ل دویڤ گۆتنا بازرگانان، ژبەر گۆڕانکاریێن د پێناسا گومركیدا، ب هزاران کۆنتێنەرێن بازرگانێن عێراقی ل بەندەرێ ئوم قەسر گیر بووینە و زیانەکا مەزن ب وان کەڤتییە.
