عێراق دێ کێشانا بەرهەمێن تووتنێ سنوردار كەت

پەرلەمانێ عیراقێ ل ڤێ دووماهییێ (4 گولانێ) خواندنا ئێکێ بۆ پێشنیارا یاسایا “پاراستن ژ زیانێن تووتنێ” کر، کو تێدا یاسایێن توند بۆ کێشانا جگارا و نارگیلە و ڤەیپێ هاتینە دانان.
. بۆ هەر پاکیتەکا جگارێ (20 دانەیی) یان 20 گرامێن تووتنێ، 500 دینار وەک باج دێ هێنە زێدەکرن (چ یا ناڤخۆ بیت یان یا ژ دەرڤە بهێت).
. کێشانا تووتنێ ل 28 جهێن جودا دێ قەدەغە دبیت، ژ وان ژی، فەرمانگەهێن دەولەتێ، نەخۆشخانە، قوتابخانە، زانکۆ، ئاڤاهیێن گرتى، و هووکارێن ڤەگوهاستنێ.
.سەرپێچیکار دێ هێنە سزادان ب سزایێ زیندانیکرنێ هەتا شەش مەهان، یان پێبژاردنا دارایی کو دگەهیتە 5 ملیۆن دیناران.
. پێدڤییە كۆمپانی د ماوێ 180 رۆژان دا هەموو ریکلامێن خۆ یێن تووتنێ لادەن، ئەگەر نە دێ ب 2 هەتا 5 ملیۆن دیناران هێنە سزادان.