سەرەدانا زەیدی بۆ ئەمریکا دێ چ کارتێکرن ل سەر هەرێما کوردستانێ هەبیت؟
عەلی زەیدی، سەرۆکوەزیرێن عیراقێ کۆمەکا بابەتێن گرنگ و هەستیار دگەل خۆ برنە ئەمریکا و دانانە سەر مێزا دانوستاندنێن دگەل ترەمپی، ئەوان بابەتان پەیوەندییەکا ئێکسەر ب ئارامییا ئابووری، ئەمنی و سیاسییا هەرێما کوردستانێڤە هەیە:
1 – بەرهەمئینان و هنارتنا پەترۆلێ و گازا سروشتی:
کۆمپانییێن ئەمریکی یێن بەرهەمئینانا پەترۆلێ ئەوێن ل هەرێمێ کار دکەن، دێ دڤێ سەرەدانێدا فشارێ ئێخنە سەر حکومەتا ئەمریکا کو ئاریشەیێن دارایی، کارگێری و قانوونی یێن دەرخستن و هنارتنا پەترۆلێ دناڤبەرا هەرێما کوردستانێ و عیراقێ دا چارەسەر بکەت، ئەڤەژی د بەرژەوەندییا هەرێمێ دایە.
2 – لێكتێگەهشتنا ئابووری یا عیراقێ دگەل كۆمپانییێن ئەمریكی و دانا قەرێن كۆمپانییێن بیانی:
بزاڤ دێ هێتە کرن بابەتێ قەرێن کۆمپانییێن ئەمریکی ل سەر هەرێما کوردستانێ وەکو شیفرۆن و هالیبرتۆن بهێتە چارەسەرکرن، دبیت عیراق ل شوونا دانا قەران دەلیڤەیێن زێدەتر یێن کاری بدەتێ، دووبارە هنارتنا پەترۆلێ ب رێیا کۆمپانییا سۆمۆ دەستپێبکەت، ئەڤە دێ بیتە ئەگەرێ ڤەژاندنا ئابوورێ هەرێما کوردستانێ ب تایبەتی ئەگەر عەلی زەیدی شیا کۆمپانییێن ئەمریکی ڕازی بکەت زێدەتر بهێنە عیراقێ و کاربکەن، ژبەرکو هەمان کۆمپانی ل هەرێمێ ژی کار دکەن.
3- پاشەرۆژا هێزێن هەڤپەیمانان و پشتەڤانییا هێزێن پێشمەرگەیی:
عیراق دبێژیت: وێ هێزا خۆ یا هەی و پێدڤی ب هێزێن بیانی نینە، هێزێن هەڤپەیمانان ل ههیڤا ئیلونێ دێ خو ژعێراقێ ڤهكێشن، لێ هەرێما كوردستانێ دیتنەكا جۆدا ژ ڤێ بۆ پاشەرۆژێ هەیە و وەسا دبینیت، هێزێن ههڤپهیمانا و تایبهت هێزێن ئهمریكا گەرەنتییەكا ئهمنى و سهربازىیه بۆ بهرسنیگ گرتنا مهترسیێن داعشێ و گهفێن دهولهتێن ههرێمى، هەڤپەیمان و ئەمریكا دێ ژ عیراقێ هێنە ڤەكێشان، لێ دێ ل هەرێمێ مینن.
4-ئیمزاكرنا ڕێككەڤتنێن ئەمنی و سەربازی دناڤبەرا عیراقێ و ئەمریكا دا:
هەر ڕێككەڤتنەكا ئەمنی و سەربازی دناڤبەرا عیراقێ و ئەمریكادا بهێتە ئیمزاكرن، دێ قەبارە و جۆرێ پشتەڤانییا ئەمریكا بۆ هێزێن پێشمەرگەی ژلایێ دارایی و ڕێكخستن و ڕاهێنان و ئامادەكرنێڤە هێتە دیاركرن.
5- چەكدانانان میلیشیایان:
ئەمریكا دووپاتییێ ل دانانا چەكێ میلیشیایان و كۆمكرنا وی چەكی ژلایێ حكومەتا عیراقێڤە دكەت، ئەڤ پێنگاڤە بهێتە بجهئینان، دێ بیتە ئەگەرێ ئارامییا ناڤخۆ یا هەرێمێ و ڤەكرنا دهرگههى وهبهرهێنانێ ل ههرێمێ، ژبهركو ئهڤی چهكی مهترسییهكا مهزن دروست ل سهر ژێرخانەیا ئابوورى و مهدهنىیا ههرێمێ پەیداكربوو.
6- پاراستنا ههڤسهنگیا ناڤخو یا سیاسى د ناڤ بهرا حكومهتا ههریما كوردستانێ و حكومهتا فیدرالدا
ئەمریكا دێ داخوازێ ژ عیراقێ كەت كو هەڤسەنگییا سیاسی دگەل هەرێما كوردستانێ بپارێزیت، نابیت هێزا خۆ ل سەر ب سەپینیت، ئاریشەیان چارەسەر بكەت و مافێن دەستووری یێن هەرێمێ ژلایێ سیاسی و بودجە و شایستەیێن دارایڤە ب پارێزیت.
