وه‌زاره‌تا ناڤخۆ یا توركیا ئه‌ڤرۆ ده‌ستپێكرنا 2 ئۆپه‌راسیۆنێن نوو د چارچوڤێ ئۆپه‌راسیۆنێن (ئارن) یێن ل دژی په‌كه‌كێ دا راگه‌هاند كو به‌ریا 2 حه‌فتیان ده‌ستپێكرىنه.
وه‌زاره‌تا ناڤخۆ یا توركیا د به‌یانه‌كێ دا راگه‌هاند؛ 2 ئۆپه‌راسیۆنێن نوو د چارچۆڤێ زنجیره‌یا ئۆپه‌راسیۆنێن ئارن دا ل پارێزگه‌هێن موشێ و ماردینێ ل دژی په‌كه‌كێ ده‌ستپێكرن، ئۆپه‌راسیۆنا پارێزگه‌ها موش ب پشكداریا 93 تیمێن له‌شكه‌ر و پۆلیسان كو هژمارا وان 1620 كه‌سن ده‌ستپێكرییه، و هژمارا تیمێن ئۆپه‌راسیۆنا ماردینێ 145 تیمن و 2550 كه‌س ژ هێزێن ئێمناهیێ پشكدارن
ئارن زنجیره‌كا ئۆپه‌راسیۆنێن توركیا یه كو ب ناڤێ گه‌نجێ تورك (ئارن بلبل) هاتییه كرن ئه‌وێ ژ ئالیێ په‌كه‌كێ ڤه ل مه‌ها 8 یا سالا 2017ێ هاتیه كوشتن و ژ زنجیره‌یێن (ئارن1) ل ئاگرى، (ئارن2) ل ئامه‌دێ و (ئارن3) ل ویلایه‌تا ئاگرى كو پێشتر ده‌ستپێكرینه و د به‌رده‌وامن .
