سهرۆكێ ههلبژارتى یێ ئهمریكا دو ژن بۆ دو پۆستێن گرنگ د ئیدارا خۆه دا دهستنیشانكرن.
ل گۆرهى میدیایێن ئهمریكا، پێشبینى دهێتهكرن جۆ بایدن، سهرۆكێ ههلبژارتى یێ ئهمریكا، جێنیفهر گرانهۆلم، حاكما پێشتر یا ویلایهتا مێشیگان بكهته وهزیرا وزێ د ئیدارا نوى یا ئهمریكا دا.
گرانهۆلم یا 61 سالى، ل سالێن 1999 بۆ 2003 داواكارا گشتى بوو، ل دو خۆلێن 2003 تا 2010 ئێكهم ژنه حاكما مێشیگن بوو د دیرۆكائهمریكا دا و پشتهڤانهكا مهزن یا سیاسهتا جۆ بایدنى یه.
ههروهسا ل گۆرهى سێ ژێدهران، بایدن ب نیازه جینا ماكاریسی بكهته شیرهتكارا بلند یا كۆچكا سپى بۆ گوهۆرینا كهش و ههوای، ئهو ژنه سهركردایهتییا بزاڤێنئیدارا ئهمریكا دكهت بۆ كێمكرنا زیانێن گوهۆرینا كهش و ههوایى كو تا نها دو ملیار دۆلار بۆ هاتینه تهرخانكرن. جینا ماركاسى ل دهمێ ئیدارا باراك ئۆباماى، سهرۆكێ پێشتر یێ ئهمریكا، سهرۆكا ئاژانسا پاراستنا ژینگههێ بوو.
ماكاریسى و گرانهۆلم بتنێ نینن پۆستان ل ئیدارا بایدنى وهرگرن، پێشتر ههر ئێك ژ جانێت یالن، ب وهزیرا گهنجینێ و سۆزان رایس، ب شیرهتكارا جڤاتا سیاسى یا كۆچكا سپى هاتینه دهستنیشانكرن.
