قادر قادری یێ بهرنیاس ب قودرەت ئاغایى هونەرمەند و موزیكژهنێ ب ناڤ و دهنگ ل رۆژهەلاتێ کوردستانێ، سپێدههیا ئەڤرۆ چارشەمبى ل باژێرێ مهابادێ ژ ئهگهرێ نهخۆشیهكێ وهغهرا داویێ كر.
قودرەت ئاغایى ژدایكبویێ سالا ١٩٢٧ی زایینی یه، ژەنیاری بۆ هونەرمەندان حەسەن زیرەک، محەمەد ماملێ و سەید محەمەد سەفایی و چەند هونەرمەندێن دی یێن کورد کریه.
هونەرمەند قودرەت ئاغایی د ژیێ سنێلهیێ دا دەست ب ژەنینا ئامێرێن تمبلك ، بلوول، دودك و زڕنا کریه، دژیێ خو دا پتریا ڤهستیڤالێن رۆژهەلاتێ کوردستانێ دا پشكدار بوویه و وەکى هونەرمەندهکی ب شیان ڕێز لێ هاتیه گرتن.
دهمێ سی ههیڤان بوو قودرەت ئاغایى تووشى نهخۆشیێ ببوو و ل سپێدههیا ئهڤرۆ چارشەمبى ١٦ی١٢ی٢٠٢٠ وهغهركر و بریاره تەرمێ ڤى هونهرمهندى ل پشكا هونەرمەندان ل گۆڕستانا مهابادێ ڤهشێرن.
