بریاره ل رۆژا دوشهمبیا بهێت شاندێ دانوستاندكار یێ حكومهتا ههرێما كوردستانێ، ب سهروكاتیا قوباد تالهبانی جێگرێ سهرۆك وهزیرێ ههرێمێ بهێنه پهرلهمانێ كوردستانێ و ئهنجامێن دانوستاندنێن خو دگهل بهغدا روون بكهن.
سامان ئهحمهد، رێڤهبهرێ راگههاندنا پهرلهمانێ كوردستانێ، د داخویانیهكا تایبهت دا بۆ مالپهرێ فهرمى یێ پهرلهمانێ كوردستانێ راگههاند، ههر ئێك ژ وهزیرێ دارایى و ئابوورى، وهزیرێ پلاندانان و وهزیرێ ههرێمێ بۆ كاروبارێن دانوستاندنێ دگهل بهغدا، سكرتێرێ ئهنجوومهنێ وهزیران و سهروكێ فهرمانگهها ههماههنگى و دووڤچونێ، ب ئامادهبوونا جێگرێ سهروكێ حكومهتێ دێ ل پهرلهمانێ كوردستانێ ئاماده بن.
گوت ژى ، شاندێ دانوستاندكار دێ دگهل سهروكاتییا پهرلهمانى و سهروكێن فراكسیونان و لژنێن دارایى و كاروبارێن ئابوورى، كاروبارێن یاسایى ، ووزه و سامانێن سروشتى كوم بیت و دووماهیك ئهنجامێن رێكهفتنا ههولێرێ و بهغدا بێخنه بهردهم پهرلهمانى و هووركاریێن گفتوگویێن خو دگهل بهغدا بۆ پهرلهمانى روون بكهن.
