سەرۆکێ حکومەتا ھەرێما کوردستانێ، ب ھەلکەفتا ژ دایکبوونا حەزرەتا مەسیح و سەرێ سالا نوی یا زایینی پەیامەک بەلاڤکر و تێدا پیرۆزباھیێن خوە ئاراستە کریستیانێن ھەرێما کوردستانێ و ئیراقێ و جیھانێ کرن.
مەسروور بارزانی ب ھەلکەفتا جەژنا ژ دایکبوونا حەزرەتا مەسیح سلاڤێن خۆدێ ل سەر بن، پیرۆزباھیێن گەرم ل خووشک و برایێن کریستیانێن ھەرێما کوردستانێ و ئیراقێ و جیھانێ کرن، ھیڤی ژی خواستن د رەوشەکا ئارام و پڕ خۆشی دا رۆژێن جەژنێ دەرباز بکەن.
مەسروور بارزانی گۆت ژی: کریستیان پێکھاتەکا گرنگ و رەسەنا جڤاکێ کوردستانێ یە و ل گەل پێکھاتێن دی دا رۆلێ گرنگێ خوە دپێشئێخستنا جڤاکێ کوردستانێ دا دگێرن و ھەرێما کوردستانێ ژی بوویە ناڤەندا پێکڤەژیانا نەتەوەیی و ئایینی ل دەڤەرێ، د ڤێ ھەلکەفتا پیرۆز دا، پێگیریا خوە ب مۆکمکرن و ب ھێزکرنا کەلتوورێ لێبورین و تەبایێ و پێکڤەژیانا ئاشتیانە د ناڤبەرا پێکھاتێن کوردستانێ دا دووپات کرن، کو ئێکە ژ شانازیێن ھەرێما کوردستانێ.
مەسروور بارزانی ھیڤی ژی خواستن ھاتنا ڤێ جەژنێ و سەرێ سالا نوو، ببیتە جھێ سەقامگیری و ئاشتی و تەناھی و ب داوی ھاتنا قەیرانان و نەھامەتیان ل کوردستانێ و جیھانێ.
مەسروور بارزانی ژ دایکبوونا حەزرەتێ مەسیح ل کریستیانان پیرۆز کر
