ههڤژینا ههڤسهرۆكێ بهرێ یێ پارتیا دیموكراتیك یا گهلان ههدهپێ، راگههاند، پێشبینى دكر توركیا دێ ل دووڤ داخوازا دادگهها بلند یا مافێن مرۆڤى ل ئهورۆپا دهمیرتاش ئازاد كهت، لێ سیستهمێ دادوهرى ل توركیا ب تهمامى پێدڤى ب ریفۆرمێ ههیه
باشاك دهمیرتاش، ههڤژینا سهلاحهدین دهمیرتاش، ههڤسهرۆكێ بهرێ یێ ههدهپێ راگههاند: ئاریشه بتنێ گرێداى سهلاحهدینی نینه، بهلكو سیستهمێ دادوهرى ل توركیا ب تهمامى پێدڤى ب ریفۆرمێ ههیه، پێشبینی ژى دكهت توركیا دهمیرتاشی ئازاد بكهت، ژبهركو توركیا ئێكه ژ وان وهلاتێن رێكهفتناما مافێن مرۆڤى دگهل ئهورۆپا ئیمزا كرى و ئێكه ژ دهستهیا وهلاتێن دامهزرێنهرێن وێ رێكهفتننامێ.
دادگهها بلند یا مافێن مرۆڤى ل ئهورۆپا ل رۆژا سێشهمبى راگههاند بوو، پێدڤییه سهلاحهددین دهمیرتاش، ههڤسهرۆكێ بهرێ یێ پارتا دیموكراتیك یا گهلان ههدهپێ بلهز بهێته ئازادكرن.
سهلاحهدین دهمیرتاش ب سزایێ سهد و چل و دوو سالان ژلایێ توركیا ڤه ب تومهتا سهركردایهتیكرنا رێكخستنهكا تیرۆرى هاتیه حوكم كرن، ئهنقهره ژى ههدهپێ ب ههبوونا پهیوهندیان دگهل پارتیا كاركهرێن كوردستانێ پهكهكێ تۆمهتبار دكهت، ههرچهنده ههدهپه وهك سێیهم هێز د پهرلهمانێ توركیا دا ههبوونا پهیوهندییان دگهل رێكخستنێن قهدهغهكرى رهت دكهت، لێ د سالێن بورى دا ب هزاران بهرپرس و لایهنگرێن وێ ژلایێ توركیا ڤه هاتینه زیندانكرن.
