ئەڤرۆ رۆژا چارشەمبی ٦-١-٢٠٢١ وەزارەتا کاروبارێن شەھید و ئەنفالکرییان راگەھاند: وان مووچەیێ ١٣ ھزار و ٢٨٢ کەسان بڕییە و ئەڤ بریارە ل رۆژا ١-١-٢٠٢١ دچیتە د بیاڤێ بجھئینانێ دا.
ل گۆری زانیاریێن خانی نیوز، ئەڤ بریارا وەزارتا کاروبارێن شەھید و ئەنفالکرییان د چارچۆڤێ پرۆسەیا چاکسازییا کابینە یا نەھێ حکومەتا ھەرێما کوردستانێ ھاتییەدان.
پێشتر ژی ب بریارا وەزارەتا دارایی مووچەیێ زێدەتر ژ ١٠ ھزار و ٦٠٠ کەسان ھاتە بڕین کو دوو جاران یان پتر ناڤێ وان د لیستا بایۆمەتری یا مووچەخۆران دا ھاتبوو تۆمارکرن.
