ل دووڤ بەرنامێ سەرۆکاتیا باژێرڤانیا شێلادزێ بۆ گەشەکرن و پاراستنا ژینگەھا باژێری، پتر ژ ھزار بەری و شتلێن کاژا ل گرێ بەرخا ل پشتا شێلادزێ ھاتنە چاندن.
ئەندازیار سەربەست حسێن تاجەدیین سەرۆکێ باژێرڤانیا شێلادزێ بۆ خانی نیوز گۆت: ب ھەڤکارییا رێڤەبەرییا ناحیا شێلادزێ و دام و دەزگەھێن میری و حزبی ل دەڤەرێ، مە ھەوەکا چاندنا بەری و شتلێن کاژا دەستپێکر کو نێزیکی (٢٠٠) شتلێن کاژا و پتر ژ (٨٠٠) بەرییان ل گرێ بەرخا ل شێلادزێ ھاتنە چاندن.
ناڤھاتی گۆت ژی: مەرەم ژ چاندنا وان ئەو بوویە کو ئەو گر یێ بێ دار بوو، ھەروەسا ژبۆی پاراستن و پێشڤەبرنا ژینگەھێ مە ئەڤ کارە ئەنجام دا. ھەروەسا دا زانین کو ل رۆژێن بھێت دێ دەست ب چاندنا بەری و کاژا ل کومەلگەھا سیریێ ژی کەن.
خانی نیۆز: سامی رێکانی
