لژنا دەڤەرێن کوردستانی یێن دەرڤەی ئیدارا ھەرێمێ ئەڤرۆ دێ دگەل دەزگەھێن ھەلبژارتنێن حزبێن کوردستانی کۆم بیت.
ھەدیا موراد، ئەنداما لژنا دەڤەرێن کوردستانی یێن دەرڤەی ئیدارا ھەرێمێ بۆ خانی نیوز گۆت: لژنا وان بانگھێشتا دەزگەھێن ھەلبژارتنێن ھەموو حزبان کرینە و ئەڤرۆ دێ ب ئامادەبوونا سەرۆک و جێگرێن پهرلهمانێ كوردستانێ ل سەر ھەلبژارتنێن بھێن یێن پەرلەمانێ ئیراقێ کۆم بن. ھەدیا موراد ئاشکرا کر، ئەو دێ داخواز ژ وان کەن ب یەک دەنگ پشکدار ببن تاکو دەنگێن کوردان ل وان دەڤەران ب ھەروە نەچن، ژ بەرکو رەوشا وان دەڤەرێن کوردستانی ئالۆزە و ھەکە وان حزبان بەربژارێن خوە ژی د ھەلبژارتنان دا ھەبن وەکو کورد پشکداری ھەلبژارتنان بن داکو دەنگێن وان پووچ نەبن.
