حهشدا شهعبی راگههاند؛ داعش شهڕێ پارتیزانیێ دكهت و پهقینا بهغدا پهیامهكه بۆ ئیدارا نوو یا ئهمریكا.
ئهبو عهلى ئهلبهسرى، هاریكارێ سوپاسالارێ حهشدا شهعبى راگههاند؛ رێكخستنا داعشێ ل ئیراقێ ب دویماهى نههاتییه و نها پهنا برییه بهر شهرێ پارتیزانيێ و پهقینا گۆرهپانا تهیهران ل بهغدا كو 32 كۆشتى و 110 بریندار ل دووڤ خوه هێلاین پهیامهك بوو بۆ ئیدارا نوو یا ئهمریكا.
ب گۆتنا هاریكارێ سوپاسالارێ حهشدا شهعبى، ژ بۆ بهرهنگاربوونا داعشێ هێزێن وان دگهل پۆلیسێن سنورى ل سووریا و هێزێن حهشدێ ل سنورێ رۆژهلات و باشوورى ژى هاتینه جێگیركرن.
ل شهڤا بووری، هیزهكا مهزن ل جاددهیێن بهغدا یا پایتهخت و كهربهلا بهلاڤبوون و هژمارهكا چهكدارێن سهرایا سهلام یا سهر ب رهوتا سهدری ڤه ل بهغدا و كهربهلا و چهندین دهڤهرێن دى رژیانه سهر جاددهیان و دوپاتى ل پاراستنا پیروزییێن مهزههب و مهزارگههان كرینه.
