سەردار شێخ یەحیا ھۆشداریێ ددەتە خەلکێ قەزا شێخان

پشتی دەستپێکرنا ئۆپەراسیۆنا چیایێ گارەی ژ ئالیێ سوپایێ تورکیا ڤە کو بوویە ئەگەرێ تێکدانا رەوشا گوندێن وێ دەڤەرێ و ژبەر ھەبوونا گەریلایێن پەکەکێ، قائیمقامێ قەزا شێخان ب رێکا خانی نیوز ئاگەداری و ھۆشداریا خەلکێ قەزایا شێخان دکەت.
سەردار شێخ یەحیا، قائمقامێ قەزا شێخانێ بۆ خانی نیوز دیارکر، ئەو دترسن تورکیا ژبەر ھەبوونا گەریلایێن پەکەکێ بریارێ بدەت ل دەڤەرا وان ژی دەست ب ئۆپەراسیۆنان بکەت، ژبەر وێ چەندێ داخوازێ ژ وەلاتیێن گوندێن سەر ب ناحیا ئەترووش و قەسرۆک خوە بپارێزن و خوە نێزیک وان دەڤەران نەکەن یێن پەکەکە لێ ھەین.
قائمقامێ قەزا شێخان گۆت ژی: ھەتا نھا ژبەر ھەبوونا گەریلایێن پەکەکێ ١١ گوند ل سنۆرێ ناحیا ئەترووش و قەسرۆک ھاتینە چوولکرن.
ناڤھاتی ھەبوونا پەکەکێ ل دەڤەرێ ب مەترسی دبینیت و دیار دکەت پێدڤییە پەکەکە باشتر ھزر بکەت و خوە ژ سڤیلان دوور بێخیت ژبەرکو ب ھەبوونا وان ئارمانجکرنا ھەموو دەڤەرێ یە.