<h3 style="text-align: justify;"><span style="font-size: 18pt;">خێرۆ جردۆ حهسۆ، وهلاتییهكێ گوندێ شنگالێ یه بۆ خانی نیوز راگههاند؛ رهوشا شنگالێ كهفتییه د مهترسیێ دا، پهكهكێ و حهشدا شهعبی گهف ل وی دكرن كو دێ زارۆیێن وی بۆ دهمێ 6 مههان بهنهوراهێنانێن سهربازى و گۆت: ئهگهر پهكهكه زارۆیێن وى بربان بۆ وی نهدزڤراندن ڤه، ژبهر هندێ وی زارۆیێن خوه ژ شنگالێ رهڤاندن و زڤرییهڤه كهمپا چهم مشكۆ.</span></h3> <h3 style="text-align: justify;"><span style="font-size: 18pt;">گۆتژ ى: ههروهسا رێككهفتنا دناڤبهرا ههولێر و بهغدا نههاتییه بجهئینان و ئهو ل هێڤیێ نه بكهڤت د وارێ بجهئینانێ دا داكو دووباره بزڤرن شنگالێ ڤه.</span></h3> <h3 style="text-align: justify;"><span style="font-size: 18pt;">ژ ئالییهكێ دی، كهمال قاسم مراد، ژ گوندی دوگرێ یه گۆت: ژ بهركو ئهو پێشمهرگهیه و بنگههێ حهشدا شهعبی ب رهخ مالا وی ڤهیه و نكارت پێشمهرگاتییا خوه ئاسایی بكهت و ژیانا وی ئالۆزبوویه و دهرگههێن مالا وی ههموو گاڤان دگرتینه و ئهو و خێزانا خوه نكارن بدهركهڤن، ژ بهر هندێ ناڤێ خوه ل رێڤهبهرییا كۆچ و كۆچبهران تۆماركرییه كو دوباره ڤهگهریت ل كهمپێن ههرێما كوردستانێ بژیت داكو بكاریت كارێ خوه یێ پێشمهرگاتیێ ب رێڤه ببهت.</span></h3> <h3 style="text-align: justify;"><span style="font-size: 18pt;">گۆت ژی، پهكهكه و حهشدا شهعبی ل مالان دگهرن و ب ئاخڤتنان ئاقلێ خهلكی ب سهردا دبهن د بێژنێ دێ مووچه و خزمهتگوزارییان بۆ وان دابینبكهن، تاكو بگههینن خوه، ژبهر هندێ ههموو گاڤان دهرگههێ مالا وی دگرتینه داكو كهس نهچیته مالا وی.</span></h3> <h3 style="text-align: justify;"><span style="font-size: 18pt;">داخواز ژی كر، ب زووترین دهم رێكێ بۆ وان ڤهكهن داكو دووباره بزڤرن ل كهمپان بژین ژ بهركو ژیان ل شنگالێ نهمایه.</span></h3>
