دەزگەهێ خێرخوازی یێ بارزانی هاریکاری گەهاندنە گوندێ کێستە

دەزگەهێ خێرخوازی یێ بارزانی هاریکاری گەهاندنە خەلکێ گوندێ کێستە پشتی گوند ژ ئه‌گه‌رێ شەرێ پەکەکێ وسوپایێ تورکیا هاتیە چۆلکرن.

شەڤگێر چێی، نوونەرێ  دەزگەهێ خێرخوازیی یێ بارزانی ل دەڤەرا  ئامێدیێ بۆ خانی نیوز راگەهاند؛ پشتی گوندێ کێستە هاتییە چۆلکرن دەزگەهێ خێرخوازی یێ بارزانی هاریکاری گەهاندنە گوندێ کێستە کو پێک دهاتن ژ كه‌ل و په‌ل و ئاهێن خوارنێ و جلوبەرگ وئاڤ وبەتانی و بسەر   32خێزانێن  خەلکێ گوندێ کێستە دا هاتن بارڤه‌كرن .

گوندێ کێستە دکەڤیتە سنورێ ناحیا کانی ماسێ و20 مال تێدا دئاکنجی بوون ، پشتی 13 رۆژێن شەروپەڤچونێن بەردەوامێن دناڤبەرا سوپایێ تورکیا وچەکدارێن پەکەکێ دا ، ژنەچاری بەریا  سێ رۆژان  گوندێ کێستە هاتە چۆلکرن .

هەیوار ستار، خانی نیوز