د كۆمبوونا خوه دا وهزیرێ ناڤخوه راگههاند؛ ب مهرهما گۆتۆبێژكرنا رهوشا ئهمنى یا وان ههردو دهڤهران، لیژنهیهكا ئهمنى دێ سهرهدانا شنگالێ و مهخموورێ كهت و ب رهنگهكێ راستهوخۆ سهرپهرشتییا ههموو دۆسهیێن ئهمنى یێن قهزا شنگالێ كهت.
ئاماژه ب وێ یهكێ ژى دا، دۆسهیا ئهمنى یا سهنتهرێ شنگالێ دێ ب دهست هێزێن پۆلیسان بیت و سوپا دێ دهوروبهرێن سهنتهرێ وێ قهزایێ پارێزیت و هێزهكا دى بۆ پاراستنا ئارامى و ئاسایشا باژێركێ نهمروود هاتییه پێكئینان.
ل گورهى راگههاندنهكا ههڤپشك یا حكومهتا ئیراقێ و ههرێما كوردستانێ یا ل سالا بوورى بهلاڤكرى، بۆ ڤهگهراندنا ئارامى و ئاساییكرنا رهوشا شنگالێ و وهك دهستپێشخهرییهك بۆ ڤهگهراندنا ئاواران و رێكخستنا كارگێرى و ئهمنى ل وى باژێرى، حكومهتا فیدرال و حكومهتا ههرێمێ ب ههماههنگى دگهل نوینهرێن نهتهوێن ئێكگرتى ل سهر ئاساییكرنا رهوشا شنگالێ رێكهفت بوون.
