گوندێ مژێ هاتە توپبارانكرن

فروکەیێن شەرکەرێن تورکیا  گوندێ مژێ  ل سنورێ ناحیا دێرەلوک توپباران کر.

پەیامنێرێ  خانی  نیوز ل دەڤەرا ئامێدیێ راگەهاند ،فروکەیێن شەرکەرێن تورکیا ئەڤرۆ  سپێدێ  سەعەت 5:50گوندێ مژێ ل  دەڤەرا بەرێگارێ  ل سنورێ ناحیا دێرەلوک  توپبارانکر و تانها زەرەر وزیانێن وێ توپبارانكرنێ نەهاتینە زانین، لێ ئەڤ بومبەبارانە  کێمتری 1km نێزیکی گوندی بوویە وترس ودو دلیەکا مەزن بو خەلکێ گوندێ مژێ پەیداکریە .

گوندێ مژێ دکەڤیتە سەر ب ناحیا دێرەلوک و نێزیکی 20 مالان تێدا هه‌نه‌،ب به‌هانه‌یا هەبوونا بنگەهـ وبارەگایێن گەریلایێن پارتییا كاركه‌رێن کوردستانێ بەردەوام فرۆکەیێن تورکیا سنورێ قەزا ئامێدیێ بۆمبەباران دکەن .