سەرۆکێ حکومەتا هەرێما کوردستانێ كێشا تیرورستێن داعش دگەل كۆنسۆلێن وه‌لاتان ل هه‌رێما كوردستانێ باسكر

ئه‌ڤرۆ 12/2/2022 مه‌سرور بارزانى، سه‌رۆكێ حكومه‌تا هه‌رێما كوردستانێ دگه‌ل كۆنسۆل و هنارتییێن وه‌لاتان ئه‌وێن ل هه‌رێما كوردستانێ كۆمبوو.
دكومبوونا خوه‌ دا سه‌رۆكێ حكومه‌تێ تیشك ئێخسته‌ لسه‌ر ره‌وشا نافخۆیى یا هه‌رێما كوردستانێ و چاكسازییێن كابینا نه‌هێ و په‌یوه‌ندییێن هه‌رێمێ دگه‌ل حكومه‌تا فیدرال و داوى پێشهاتێن ده‌ڤه‌رێ.
دیسان دۆپاتى ژى ل وێ یه‌كێ كر كۆ هه‌رێما كوردستانێ به‌رده‌وام كار بۆ وێ یه‌كێ كرییه‌ كۆ باشترین په‌یوه‌ندى دگه‌ل حكومه‌تا فیدرالى هه‌بیت و هه‌موو كێشه‌ ب ره‌نگه‌كێ بنه‌ره‌تى و ل سه‌ر بنه‌مایێن ده‌ستوورى بهێنه‌ چاره‌كرن.
بارزانی ئاماژه‌ ب كارناما حكومه‌تا هه‌رێمێ بۆ هه‌مه‌جۆركرنا ئابوورى و زێده‌كرنا ژێده‌رێن داهاتى و كێمركرنا خه‌رجییان و رێكخستنا باجێ و كارئاسانكرن كارێن وه‌به‌رهێنه‌رێن بیانى و نافخۆیى و دیجیتالكرنا خزمه‌تگوزارییان و كێمكرنا گه‌نده‌لییێ كر.
د ته‌وه‌ره‌كێ دا دى سه‌روكێ حكومه‌تا هه‌رێما كوردستانێ ئاماژه‌ ب گرنگییا به‌رده‌وامبوونا هاریكاریكرنێ ل گه‌ل هه‌رێما كوردستانێ ژبۆ رووبرووبوونا رێكخستیێن داعشێ كر ب تایبه‌تى ل ده‌ڤه‌رێن كوردستانى یێن ده‌رڤه‌ى ئیدارا هه‌رێمێ ب رێیا نه‌هێلانا بوشاییا ئه‌منى ل وان ده‌ڤه‌ران.
د ته‌وه‌ره‌كێ دى دا سه‌رۆكێ حكومه‌تێ ئاماژه‌ ب كێشه‌یێن كۆچبه‌ران و رێكارێن حكومه‌تا هه‌رێمێ ژبۆ رووبرووبوونا و راگرتنا كۆچكرنا نه‌یاسایى كر.