بەغدا دێ 400 ملیار دیناران بۆ ھەردو ھەیڤێن 11 و 12 یێن ئەڤ سالە هنێریت

ئاژانسا خانی ، تایبەت:

سەرۆکاتيیا جڤاتا وەزیرێن عێراقێ بڕیاردایە بۆ ھەیڤێن دووماھیيێ یێن ئەڤ سالە ٤٠٠ ملیار دیناران بدەتە ھەرێما کوردستانێ و ژێدەرەکی ژی ئاشکرا کر، لدووڤ رێکكەفتنێ سالا نوو دێ پشکا ھەرێما کوردستانێ ھێتە ھنارتن.

ژێدەرەکێ ئاگەھدار ل بەغدا بۆ ئاژانسا خانی دیار کر” حوکمەتا عێراقێ بڕیاردایە بۆ ھەردو ھەیڤێن ١١ و ١٢ یێن ئەڤسالە ٢٠٠ ملیاران بۆ ھەرێما کوردستانێ فرێکەن، بۆ ھەر ھەیڤه‌كێ دێ ٢٠٠ ملیار دینار گەھنە ھەرێما کوردستانێ.

وی ژێدەری ئاشکرا کر ژی” سەرۆکاتییا جڤاتا وەزیرێن عێراقێ رەزامەندی ل سەر ھنارتنا ٢٠٠ ملیاران دەرکرییە و بۆ پشتی سالا نوو ژی لدووڤ رێكکەفتنا دناڤبەرا ھەردو حوکمەتا دێ پشکا ھەرێما کوردستانێ ژ بودجێ عێراقێ ھێتە مەزاختن، بەلێ ھێشتا رێكکەفتنا دوماھییێ نەھاتییە کرن و ب تنێ نێزیک بووینە ژ رێکكەفتنێ.