<h2><span style="font-size: 18pt;">سەرۆككۆكارێ توركیا ڤەدیتنا زەڤییەكا نوی یا پەترۆلێ ل پارێزگەها شرنەخێ یا باكوورێ كوردستانێ راگەهاند و دیاركر، بهایێ وێ 12 ملیار دۆلارن.</span></h2> <h2><span style="font-size: 18pt;"> رەجەب تەیب ئەردوگان، سەرۆككۆكارێ توركیا د پرێس كۆنفرانسەكی دا راگەهاند، ئەو زەڤییە ل چیایێ گابار یێ سەر ب پارێزگەها شرنەخێ ڤە هاتیە دیتن و ژ چەندین بیران پێكدهێت و كوالتییا پەترۆلا وێ گەلەك یا باشە و بتنێ د چار بیران دا رۆژانە پێنج هزار بەرمیلێن پەترۆلێ دهێنە بەرهەمئینان.</span></h2> <h2><span style="font-size: 18pt;">دیار ژی كر، یەدەگێ پەترۆلێ یێ وێ زەڤییێ 150 ملیۆن بەرمیلە و ل دویڤ بهایێ رۆژانە بهایێ وێ دگەهیتە 12 ملیار دۆلاران.</span></h2> <h2><span style="font-size: 18pt;">ئاشكەرا ژی كر، د نوكە دا رۆژانە نێزیكی 5000 بەرمیلێن پەترۆلێ ل سنۆرێ شرنەخێ دهێنە دەرئینان و بۆ پارێزگەها ئێلیهـ ل باكوورێ كوردستانێ دهێنە هنارتن ب مەبەستا پالاوتنێ، پلانا وان ژی ئەوە ل سالا بهێت بەرهەمێ پەترۆلێ یێ نافخۆ بگەهیننە 100 هزار بەرمیلان. </span></h2>
