<h3 style="text-align: justify;"><span style="font-size: 18pt;">وهزیرێ باژێرڤانى و گهشتوگوزارا حكومهتا ههرێما كوردستانێ ئاماژه ب هندێ دا، ل دووڤ وێ پلانا وان داناى، وهزارهتا وان شیا ل سالا بوورى داهاتێ وهزارهتێ 55%ێ زێدهبكهت و پشكهكا وى داهاتى بۆ خزمهتگوزارییێن باژێرڤانییان خهرج بكهت.</span></h3> <h3 style="text-align: justify;"><span style="font-size: 18pt;">ساسان عهونى وهزیرێ باژێرڤانى و گهشتوگوزارێ بۆ فهرمانگهها میدیا و زانیارییان یا حكومهتا ههرێما كوردستانێ دیاركر، ل سهر راسپارده و رێنمایێن بهردهوامن یێن مهسرور بارزانى سهرۆكێ حكومهتا ههرێما كوردستانێ بۆ ههموو وهزارهتێن حكومهتا ههرێما كوردستانێ سهبارهت رێكخستنا داهاتێ ناڤخۆ، و ژبهر بجهئینانا وان رێنمایان، وان وهكو وهزارهتا باژێرڤانى و گهشتوگوزارێ بهردهوام بزاڤێن رێكخستنا داهاتێ ناڤخۆ دكرن، و ل دووڤ پلانهكێ كو ل دوماهییا سالا 2021ێ بۆ سالا 2022ێ دانابوو و ئارمانجا وان ئهوبوو داهاتێ خوه یێ سالا 2022ێ بهراورد دگهل سالا 2021ێ ب رێژهیا 35%ێ زێدهبكهن، ئهو دشێن بێژن ههتا 22ى كانوونا ئێكێ یا 2022ێ كو دووماهى رۆژا دهواما فهرمى یا دامودهزگههان بوو، داهاتێ ههموو فهرمانگههێن وهزارهتابا ژێرڤانى و گهشتوگوزارێ 306 ملیار و 250 ملیۆن دیناربوون، و بهراورد دگهل وێ رێژا وان ل پار سال پلان بۆ داناى، شیاینه 55%ێ یا داهاتێ خوه زێدهبكهن.</span></h3> <h3 style="text-align: justify;"><span style="font-size: 18pt;">ساسان عهونى ئاماژه ب هندێ دا، ئهو ب دوو شێوهیان دشێن مفاى ژ وى داهاتى ببینن كو 15%ێ یا وى داهاتى دێ ههر ل رێڤهبهریێن گشتییێن باژێرڤانى و گهشتوگوزارێ ل ههموو باژێران بۆ خزمهتگوزارییان هێته تهرخانكرن.</span></h3> <h3 style="text-align: justify;"><span style="font-size: 18pt;">ههروهسا 17%ێ یا وى داهاتى بۆ پرۆژهیێن خزمهتگوزارى یێن ئاڤ و ئاڤرێژان ل ههموو باژێران هێته تهرخانكرن.</span></h3>
