رێڤەبەرێ گشتی یێ ژێدەرێن ئاڤێ ئاشکرا کر، بەنداڤا خنس ل پارێزگەھا دھۆکێ ب دووماھی ھاتییە و حکومەتا ھەرێما کوردستانێ یا بەردەوامە ل سەر پشتەڤانی کرن و گرنگیدانا زێدەتر ب کەرتێ ئاڤێ ل ھەرێما کوردستانێ.
د. کاروان سەباح، رێڤەبەرێ گشتیێ ژێدەرێن ئاڤێ بۆ ئاژانسا خانی دیارکر” بەنداڤا خنس ل پارێزگەھا دھۆکێ شیانێن حەفت ملیۆن سێجا یێن ئاڤێ ھەنە و نوکە ب دووماھی ھاتویە و یا بەرھەڤە بۆ بکارئینانێ وەک بەنداڤەکا گرنگ و ستراتیژی ل ھەرێما کوردستانێ، چەندین بەنداڤێن دی ژی یێن مەزن و بچووک کار تێدا دھێتە کرن ب مەرەما تەمام کرنێ، بەنداڤا خنس دێ کاریگەری لسەر کەرتێ ئاڤێ ل سنورێ دھۆکێ ھەبیت.
ناڤهاتی گۆت ژی” حکومەتا ھەرێما کوردستانێ یا بەرھەڤە بۆ پشتەڤانی و گرنگیدان ب کەرتێ ئاڤێ ل ھەرێما کوردستانێ وەک کەرتەکێ گرنگ ئەڤێ چەندێ ژی کاریگەری ل سەر ئاسایشا ئاڤێ ھەیە و پڕۆژێ بەنداڤا خنس لسەر بودجێ رێڤەبەرییا گشتییا بەنداڤان ھاتییە چێکرن.
