رێڤهبهرێ باخدارییێ ل پارێزگهها دهۆكێ راگههاند، هاتنا بهفر و بارانان و داكهڤتنا پلهیێن گهرمێ ل دهستپێكا بهارێ و دووماهییا زڤستانێ كارتێكرنهكا گهلهكا خراب ل سهر داروبارى ب تایبهتى ل دهڤهرێن چیایى كرییه.
د. ئهمجهد ئوبهید رێڤهبهرێ باخدارییێ ل پارێزگهها دهۆكێ بۆ ئاژانسا خانى دیاركر، ل قهزایا ئامێدییێ و قهزایا دهۆكێ كو دهڤهرێن چیاینه زیانهكا گهلهكا مهزن گههشتییێ، و ئهو بهرههمێن زیان گههشتییێ بههرا پتر ئهون یێن كۆلیلكێن وان زوو ڤهبووین، وهكو باهیڤ، حلیك و مشمش ههروهسا گیز و هژیر و هناران ژى زیان ڤێ كهڤتییه.
زێدهتر ئهمجهد ئوبهیدى ل دۆر پێلا بهێت یا بارانێ گوت: بارانێن ڤى دهمى دێ مفا بۆ كۆمكرنا ئاڤێ د ناڤ ئاخێدا ههبیت، لێ ئهو داروبارێن كولیلكێن وان زوو ڤهبووین و خراب بووین، چ مفاى ژێ نابینن.
