پهیڤدارێ پارتى د راگههاندنهكێدا بهرسڤا بافل تالهبانى دا و دیاركر، دیاره ژ بیرا وان چوویه كو د بههرا پتر یا وێستگههاندا سهربارى ههڤپشكییا وان د حوكمرانییێدا ژ لایهنێن ئۆپۆزسیۆنێ پتر ئاریشه و ئاستهنگ بۆ كار و چالاكییێن حكومهتێ دروستكرینه.
دپشكهكا دییا راگههاندنێدا دبێژیت : ئهو بهحسا هندێ ناكهت كو حزبا وى ئهگهرێ سهرهكى و رێگربوو ژ ئاڤهدانكرن و بجهئینانا پرۆژهیێن خزمهتگوزارى و بابهتێن ئێمناهییێ و دهستبسهرداگرتنا داهاتێ ناڤخۆیێ پارێزگهها وان و تماما وى سنۆرى، ئهوێ چهندێ ژى دیار ناكهت كو حزبا وى بوویه بهدیلێ حكومهتێ و ناهێلیت دامهزراوهیێن شهرعى روولێ خوه ببینن، نابێژیت وان ههموو شیانان ژ كیڤه دئینن كو ل شوونا دامهزراوهیێن حكومهتێ پارهى د مهزێخین.
ئاماژه ب هندێ ژى دا، پارتى ئێك مهرجهع و ئێك ههلویست ههبوویه كو بریار لێ بهێته دان و بهێته بجهئینان، ئهو هیڤییا وانه ههڤشێوهیێن خوه ل كوردستانێ پهیدابكهن، بلا د پشت راستبن مهرجهعیهت و ئێك ههولیستییا پارتى ل چ وێستگههان نههاتینه گوهۆرین و ژ ئهڤرۆ وێڤه ناهێته گوهۆرین و گوت : ئهگهر پارتى پهیوهندییێن دگهل حزبا وى ل سهر بنهمایێ ئاخڤتن و داخۆیانییێن كادر و سهركردایهتییێن خوه رێكخستبانه، دڤیابا چ كۆمبوون دگهلدا نهكربان، لێ ئهگهر ئیرادهیا رێككهڤتنێ د دهستێن واندا نهبن، بهانه بۆ تێكدانا زهمینهیێ تهفاهم و لێك نێزیككرنێ د زوورن.
پهیڤدارێ پارتى دبێژیت ژى : خهلكێ كوردستانێ ئاگههدار دكهن كو پارتییا وان ل سهر چارهسهركرنا ئاریشهیان و دابینكرنا سهقایهكێ ئارام بۆ وهلاتییان و ئێك رێزى و پێشخستنا پرۆسهیا سیاسى ل كوردستانێ یا جدییه، ههروهسا گوت : ههروهكو یا ئاشكرایه بهحسكرنا ئاریشه و جۆداهییان ب وى شێوهی و برنا وان بۆ ژ دهرڤهى ههرێمێ، ئاماژهیهكێ نوو نینه بۆ ب خهم نهوهرگرتنا ئێك رێزییا ناڤ مالا كوردستانێ.
