ل دهۆکێ ژلایێ رێڤەبەرییا هاتنووچۆنێڤە، زێدەتر ژ 360 ماتۆرسیکل و ترۆمبێل هاتنە ژناڤبرن.
عەقید ئازاد تاها، پهیڤدارێ رێڤەبەرییا هاتنوچوونا پارێزگەها دهۆکێ دیارکر، ئەو ترۆمبێل و ماتۆرسکیلێن بێى دەستپێك کو ژلایێ رێڤەبەریبا وانڤه دەست ب سەردا هاتبوو گرتن، هەموو هاتنە ژناڤبرن ژبەركو ب کارئینانا وان بەرامبەر قانوون یا گۆنجاى نەبوو و رێ ب وان نەهاتییە دان هاتنوچوونێ بکهن.
پهیڤدارێ هاتنوچوونا پارێزگەها دهۆکێ گۆت ژى: وان 312 ماتۆرسکیل و 54 ترۆمبێل کو دبێ دەستپێك بوون ژناڤ برینە، ژبەركو دەستپێکى دگەل وان نەبوویە و شۆفێران هاتنوچوون پێ كرییه.
گۆت ژى : ئهو داخواز دکەن خەلك و شۆفێر خوه ژ کرینا ترۆمبێل و ماتورسکیلێن بێ دەستپێك دوور بكهن، هەر کەسێ ب خوازیت ب کریت بلا ژلایێ کۆمپانیێن هاوردەکرنێڤە دەستخۆڤە ببهن و پشتى 60 رۆژان ژ کرینێ، دێ ژلایێ رێڤەبەرییا وانڤه هێنە تۆمارکرن و تابلۆ بۆ هێتە دروستکرن و بەرۆڤاژى وێ، هەر ترۆمبێل و ماتۆرسكلهكێ بێى دەستپێکى بهێتە دەستەسەرکرن، دێ هێتە ژناڤبرن.
