<h3 style="text-align: justify;"><span style="font-size: 18pt;">وهزیرێن دارایى و پهروهردێ یێن حكومهتا ههرێما كوردستانێ ب نڤیسارهكێ داخواز ژ جڤاتا وهزیران كر، مامۆستایێن وانهبێژ كو ژمارا وان نێزیكى 36 هزار كهسایه، ببنه ههڤبهست و بهێنه دامهزراندن.</span></h3> <h3 style="text-align: justify;"><span style="font-size: 18pt;">ل دووڤ نڤیسارهكا وهزارهتا دارایى كو بهرسڤا دیوانا جڤاتا وهزیرانه و ئیمزایا ئاوات شێخ جهناب وهزیرێ دارایى ل سهره، ههردوو وهزارهتێن پهروهردێ و دارایى پێشنیازا دامهزراندنا ب ههڤبهست یا مامۆستایێن وانهبێژ بۆ جڤاتا وهزیران كرییه، كو ل دووڤ وهزارهتا دارایى، ب دامهزراندنا وان، ههیڤانه دێ ب تنێ چار ملیار و 255 ملیۆن دینار ل سهر شایستهیێن دارایى زێدهبن.</span></h3> <h3 style="text-align: justify;"><span style="font-size: 18pt;">وهزیرێ دارایى د نڤیسارا خوهدا راگههاندییه، پشتى كۆمبوونا دگهل وهزیرێ پهروهردێ كو نڤیسارا لژنهیا ههڤپشك پهسهندكرییه، ههردوو وهزارهت پێشنیاز دكهن، مامۆستایێن وانهبێژ ههروهكو دنڤیسارێدا هاتى ببنه ههڤبهست.</span></h3>
