پتر ژ چار ھزار کەسان فۆرم بۆ وه‌رگرتنا شوقەیان پێشکێش کرینە

ئاژانسا خانی” تایبەت:

پەیڤدارێ وەزارەتا ئاڤاکرن و ئاکنجیبوونێ گۆت: ھەتا نوکە پتر ژ چار ھزار کەسان فۆرم بۆ وەرگرتنا شوقەیێن حوکمەتێ پێشکێش کرینە و پێدڤییە وەلاتی ب ھووری خالێن ناڤا فۆرمێ بەرچاڤ بگریت و ئەو کۆدێ پشتی پڕکرنێ وەربگریت.

مەریوان مەلا حەسەن، زێده‌تر بۆ ئاژانسا خانی دیارکر” پرۆسا پرکرنا فۆرمێن شوقەیێن حوکمەتێ یا بەردەوامە و چه‌ندین خال ھاتینە دیارکرن، قووناغا دویێ فۆرم دێ ھێنە ڤاڤارتن ب ھەماھەنگی ل گەل یەکەیێن ئیداری و ھەتا موختار ژی دێ پشکدار بن ھەتا بزانین ئەو وەلاتیێن فۆرم پیشکێش کرین ھەتا چەند مەرجێن وەرگرتنا شوقەیان تێدا ھەنە و بزانین کێ جھێ ئاکنجیبوونێ ھەیە و کێ نینە، مەرجە وەلاتی مەرجێن حوکمەتێ دانایی تێدا ھەبن.

ناڤهاتی گۆت ژی” پتری ھزار وەلاتییان فۆرمێن وەرگرتنا شوقەیان پێشکێش کرینە و پرۆسە ژی دێ هه‌تا دووماھییا ئەڤ سالە دێ بەردەوام بیت، بەلێ داخواز دکەین وەلاتی بەری فۆرمێ تژی بکەن کورتە ڤیدیۆیەک ژلایێ وەزارەتێ ھاتیە بەرھەڤکرن لدووڤدا فۆرم بھێتە پێشکێش کرن، چونکی مەرج نینە ھەر کەسەکێ فۆرم پێشکێش کر ژلایێ سیستەمی بھێتە وەرگرتن، چونکی پشتی فۆرم دھێتە پرکرن دێ کۆدەک بۆ وەلاتی ڤەگەریت.