حكومەتا بریتانیا دێ ڕێكارێن نوی بەرامبەر پەنابەران گریتەبەر و ڕێكخراوێن مافێ مرۆڤی ژی وان ڕێكاران ب پێشێلكرنا مافێن مرۆڤی ل قەلەم ددەن.
وەزارەتا ناڤخۆ یا بریتانیا بڕیاردایە بازنەیەكێ ئەلكترۆنی دروستبكەت و ئامیرەكی ب پەنابەران ڤە گرێدەت ژبۆ وێ یەكێ وەزارەت زێدەتر ئاگەهداری لڤینێن پەنابەران بیت كا كیڤە دچن و چ دكەن.
پشتی جێبەجێكرنا وێ بڕیارا وەزارەتا ناڤخۆ، پەنابەر ل هەر جهەكی بن ئەگەر ئەو باركوودێ ل سەر بازنا وان بهێتە لێدان دێ زانیارییێن وی هەموو دیاربن. ژبۆ ڤێ مەرەمێ ژی وەزارەتا ناڤخۆ یا بریتانیا ب بهایێ ئێك ملیۆن و 600 هزار پاوەندان گرێبەستەك ل گەل كۆمپانییەكێ ئیمزاكریە ژبۆ وێ یەكێ وی بازنێ ئەلكترۆنی بۆ پەنابەران دروستبكەت.
