مفایێن تۆفكێن گولبەڕۆژا

تۆفكێن گۆلبەڕۆژان ژ چەندین ڤیتامین و كانزایێن گرنگ بۆ لەشی پێكدهێن، ژوان:
ڤیتامین H، ڤیتامین B6، ترشێ فۆلیك، مەگنسیۆم، زینك، ئاسن و سیلینیوم. ژ گرنگترین مفایێن تۆفكێن گۆلەڕۆژان:
– پاراستن ژ نەخۆشییێن دلی و دەمارێن خوینێ: ڕێژەیەكا بلند یا ڤیتامین H دناڤدا هەیە كو ئێكە ژ دژەئۆكسانێن گرنگ كو هاریكارییا پاراستنا دلی و دەماران دكەن.
– ڕێكخستنا هۆرمونێن لەشی: یا دەولەمەندە ب وان ئەنزیمان یێن هاریكارییا ڕێكخستنا هۆمونان دكەن ب تایبەت بۆ وان ئافرەتان یێن ئاریشێن هۆرمونێن ئەسترۆجین و برۆجیستیرون هەین.
– پاراستن ژ پەنجەشێرێ: یا دەولەمەندە ب دژەئۆكسانان كو هاریكارن بۆ پاراستنا لەشی ژ توشبوونێ ب پەنجەشێرێ و نەهێلانا گەشەكرنا خانێن پەنجەشێرێ.
– باشتركرنا ساخلەمییا ژنێن دووگیان: ڕێژەیەكا بلند یا ڤیتامین و كانزایان دناڤدا هەنە، ب تایبەت ترشێ فۆلیك و زینك كو بۆ ئافرەتا دووگیان گەلەك د گرنگن.
– باشتركرنا ئاستێ شەكرا خوینێ: ڕێژەیەكا بلند یا ماددێن خۆراكی دناڤدا هەنە، لەوما خوارنا وان ب ڕەنگەكێ ڕێكخستی هاریكارە بۆ باشتركرنا ڕێژا شەكرێ دناڤ لەشی دا.

– باشتركرنا ساخلەمییا غوددێ: دەولەمەندن ب ماددێ سیلینیۆم كو دناڤ غوددێ دا هەنە و د پێدڤی نە بۆ بەرهەمئینانا هۆرمونێن وێ ب ڕەنگەكێ ڕێكخستی.
زێدەباری چەند مفایێن دی وەك: ڕووهنكرنا سەروچاڤان، ب هێزكرنا هەستییان و كێمكرنا كێشا لەشی.

ژێدەر: ویب طب