وەزارەتا ساخلەمییا حکومەتا هەرێما کوردستانێ د ڕۆهنکرنەکێ دا ڕاگەهاندیە، ب مخابنیڤە چەندین مالپەرێن سۆشیاڵ میدیایێ بابەتەک بەلاڤکریە و وەسا دیارکریە کو وەزارەتا ساخلەمییێ ڕێگرە ل ئەنجامدانا چەند نشتەرگەریان بێی کو بڕیارێ بخوینن یان بوچوونا فەرمی یا وەزارەتێ وەربگرن.
“بۆ ئەڤێ مەرەمێ هەمی ئەوان تۆمەت و پڕوپاکندان ڕەتدەکەین و ڕادگەهینین کو ڕاگرتنا نشتەرگەریان دوورە ژ ڕاستیێ و ب تنێ تێکدانا ڕاستیانە بۆ مەرەمێن چەند بەرژەوەندخوازان.”
ڕاستی ئەوە ب مەرەما ڕێگریکرنێ بوویە ژ دیاردەیەکا نایاسایی کو ل چەندین نەخۆشخانەیان و نەخۆشخانەیێن هەوارهاتنێ سەرپێچی دهاتە کرن، ژلایێ چەند کەسەکا کۆ نەخۆش نەچار دکر بۆ کڕینا پێدڤیێن نشتەرگەریان و دیاردەیا کڕین و فڕۆشتنێ ل ناڤ نەخۆشخانەیێن حکۆمی دگەل وەڵاتیان بکەن بێ چ ڕێکارەک و ڕەزامەندیا فەرمی.
ئاشکراکریە ژی، وەزارەتا ساخلەمییێ بڕیارا قەدەغەکرنا ئەوان سەرپێچییان دایە و ڕێ ل بەرژەوەندیا کڕین و فڕۆشتنا پێدڤییان ب نە یاسایی دگریت کو بهێنە دناڤ نەخۆشخانێن حکومی دا و ب وەلاتیان بفڕۆشن.
حکومەتا هەرێما کوردستانێ بوودجەیا تایبەت یا هەیڤانە تەرخانکریە و پێدڤی ناکەت نەخۆش بۆ خۆ دابین بکەت، ل ڤێرە وەزارەتا ساخلەمییێ تەکەزیێ ل دابینکرنا پێدڤیان ل سەر ئەرکێ حکۆمی دکەت نە وەک پێشێلکرنا مافێ نەخۆشی و کڕینا وان ژلایێ وەلاتیانڤە.
ل هەمان دەمان دا دوپاتیێ لسەر ئەنجامدانا هەمی نشتەرگەریان ل کەرتێ گشتی و نەخۆشخانێن حکۆمی دکەین. دیاردەیا نەچارکرنا نەخۆشی و هنارتنا وی بۆ نەخۆشخانەیێن ئەهلی قەدەغەیە و سەرپێچیکار دێ بەرهەنگاری یاسایێ هێنە کرن.
مە ب پێدڤی زانی بەرچاڤرۆهنی و دەقێ بڕیارێ بەلاڤبکەین بۆ وەڵاتیێن خۆشتڤی بدەینە دیارکرن کو باس ل قەدەغەکرنا چ نشتەرگەریەکێ نەهاتیە کرن، بەڵکو ئەو بڕیار ل دژی بەرژەوەندیا وان کەسانە یێن سەرپێچیێ دکەن ب وەرگرتنا پارەیان ل وەڵاتیان و فڕۆشتنێ ب پێدڤیان ل ناڤ نەخۆشخانان ئەنجامددەن، د هەمان دەمدا بزاڤان دکەن ل سۆشیاڵ میدیایێ بابەتی بۆ مەرەمێن خۆ ئاراستە بکەن.
وەزارەتا ساخلەمییێ یا
حکۆمەتا هەرێما کوردستانێ
30 ئەیلول 2023
