پارێزگارێ دهۆكێ ل ده‌مێ پێشكێشكرنا گوتاره‌كێ ل رێوره‌سمێن ڤه‌كرنا كارگه‌ها ئاردی دستار ل دهۆكێ، ب ئاماده‌بوونا سه‌رۆكێ حكومه‌تا هه‌رێما كوردستانێ گۆت، پشتی سه‌ره‌دانا مه‌سرور بارزانی ل سالا 2020 ێ” بۆ دهۆكێ 147 پرۆژه كه‌فتینه د خزمه‌تا خه‌لكی دا.
د. عەلی تەتەر، پارێزگارێ دهۆكێ گۆت ژی: پشتی سەره‌دانا مەسرور بارزانی ل سالا 2020 ێ بۆ دهۆكێ، 148 پرۆژە هاتینه ئەنجامدان، 147 پرۆژە ژ وان كەفتینە د خزمەتا خەلكی دا و ب تنێ ئێك پرۆژە ماینە ئەو ژی نەخۆشخانا دێرەلۆك- شێلادزێیه.
ناڤهاتی گۆت ژی، ل ٢٠٢١ ێ رەزامەندی ل سه‌ر ١٣٨ پرۆژان ژ لایێ مەسرور بارزانی ڤه هاتییه دان، ١٣٦ پرۆژە ژ وان تەمام بوون و ب تنی دو پرۆژه ماینه ئه‌و ژی دێ هێنه ته‌مامكرن.
ل سالا ٢٠٢٢ ێ” سەرۆك وەزیرێن هەرێما كوردستان رەزامەندی ل سەر ٤٤٤ پرۆژان دایە، ژ وێ ژمارێ ژی ٣٥٦ پرۆژە كار تێدا هاتییه كرن و پترییا وان هاتینه تەمام كرن، ٨٨ پرۆژە ژی كەفتینە د خزمەتا خەلكی دا.
