د.وعدی مزیری، شیرەتكارێ یاسایی ل پەرلەمانێ كوردستانێ بۆ ئاژانسا خانی ڕاگەهاند، بۆ جارا 11ـێ ڕوینشتنا دادگەها فیدرال ل دۆر یاسایا هەلبژارتنێن هەرێما كوردستانێ هاتیە پاشئێخستن و ئەڤ دادگەهە نە یا دەستوورییە، ژبەركو دیاردبیت بڕیارێن دادگەهێ ژی پشكەكە ژ ئەوان پلانێن ل دژی هەرێما كوردستانێ دهێنەدان ژ بۆ كێمكرنا قەوارەیێ هەرێمێ.
شیرەتكارێ یاسایی ل پەرلەمانێ كوردستانێ دیاركر، ژ دەستپێكێ پارتی نەدڤیا ژییێ پەرلەمانێ كوردستانێ بهێتە درێژكرن و بزاڤ دكرن هەلبژارتن د دەمێ خۆ دا بهێنەكرن، بەلێ سەرۆكێ فڕاكسیۆنا ئێكەتییێ سێ سكالا ل دژی یاسایا هەلبژارتنێن هەرێمێ تۆماركرن.
هەروەسا د.وعدی مزیری گۆت ژی: “ئەگەر پارتی و ئێكەتی ل دۆر ئەنجامدانا هەلبژارتنان ڕێكبكەڤن دێ داگەها فیدرال ژی خۆ ڤەكێشیت”.
دهێته زانین، كو دوهی ڕۆینشتنا دادگەها فیدرال بۆ 21-02-2024ـێ هاتیە پاشئێخستن.
