<h2 style="text-align: justify;"><span style="font-size: 24pt;">ئهو ڕاپۆرتێن بۆ وهزارهتا پهترۆلا عیراقێ هاتینه ڤهگهراندن ئاماژێ ب هندێ د دهن، هێلا بۆرییێن پهترۆلێ دناڤبهرا ههرێما كوردستانێ و توركیادا هاتینه نووژهنكرن و بۆ هنارتنا پهترۆلا ههرێما كوردستانێ و كهركووكێ ب رێیا بهندهرێ جهیهان بۆ بازارێن جیهانێ یا ئامادهیه.</span> <span style="font-size: 24pt;">عاسم جیهاد پهیڤدارێ وهزارهتا پهترۆلا عیراقێ ئاشكراكر، د كۆمبوونا وهزارهتێدا بۆ چاڤدێریكرنا بهرههمئینانێ ل ئۆپێك و ئۆپێك پلهس بهحس ل هندێ هاتهكرن، كارێ چاككرنا بۆرییێن پهترۆلێ ل عیراقێ ب ڕێژهیا 80ێ بۆ 90%ێ تمامبوویه، چاڤهرێیه ل سهر بنهمایێ ڕێككهڤتنێن دناڤبهرا ههردوو حكومهتێن ههرێما كوردستانێ و عیراقێدا، هنارتنا پهترۆلا ههرێما كوردستانێ دهستپێبكهت، كو بۆ دهمێ زێدهتر ژ سالهكێیه هاتییه ڕاوهستاندن.</span> <span style="font-size: 24pt;">دیار ژى كر، بۆرى ژ پارێزگهها سهلاحهددین بۆ كهركووكێ، پاشان ژ ههرێما كوردستانێ بۆ سنۆرێ توركیا هاتینه درێژكرن، كو دوو بۆرینه، ئێك ژ وان 40 ئینجه و یا دیژى 46 ئینجه، درێژاهییا ئێك ژ وان ل عیراقێ 350 كیلۆمهتره، یا دیژى درێژاهییا وێ 635 كیلۆمهتره كو ژ توركیا دهربازدبیت و دگههیته بهندهرێ جهیهان.</span></h2>
