<h3 style="text-align: justify;"><span style="font-size: 18pt;">سەرۆك مەسعود بارزانی د بیرەوەرییا 44 سالیا جینۆسایدا كوردێن فەیلی دا، پەیامەك بەلاڤكر.</span> <span style="font-size: 18pt;">دەقێ پەیاما سەرۆك بارزانی: </span> <span style="font-size: 18pt;">ب ناڤێ خۆدێ مەزن و دلۆڤان</span> <span style="font-size: 18pt;">خویشك و برایێن كوردێن فەیلی ل ناڤ دەولەتا عیراقێ گەلەك ئازار و دەربەدەری دیتینە، تاوانا وان ژی بتنێ پشتەڤانیكرنا شوڕەش و بزاڤا ڕزگاریخوازا كوردان بوو. دەركرن و ژێ ستاندنا ناسنامێ ژ سەدان هزار كەسان ژ خویشك و برایێن كوردێن فەیلی و بێسەروشوینكرنا ب هزاران گەنجێن فەیلی ژلایێ ڕژێما پێشتر یا عیراقێ ڤە، تاوان و زۆلمەكا گەلەك مەزن بوو و پشكەك بوو ژ وێ زنجیرا تاوانێن ڕێكخستی یێن كو حكومەتێن ئێك ل دویڤ ئێك یێن عیراقێ بۆ ژناڤبرن و نەهێلانا گەلێ كورد ئەنجامداین. </span> <span style="font-size: 18pt;">پێدڤییە حكومەتا فیدڕالی ئەركێ خۆ بۆ ڤەگەڕاندنا مۆلك و مال و ناسنامە و قەرەبووكرن و نەهێلانا ئاسەوارێن جینۆسایكرنا كوردێن فەیلی جێبەجێ بكەت. </span> <span style="font-size: 18pt;">ل یادا 44 سالیا جینۆسایدكرنا كوردێن فەیلی سلاڤ بۆ گیانێ پاك یێ شەهیدێن كوردێن فەیلی و هەمی شەهیدێن ڕێیا ئازادییا كوردستانێ دهنێرین. ڕۆل و دلسۆزییا خویشك و برایێن فەیلی بۆ دۆزا نەتەوا خۆ و بزاڤا ڕزگاریخوازا كوردان چ جاران ناهێتە ژبیركرن. </span> <span style="font-size: 18pt;">مەسعود بارزانی</span> <span style="font-size: 18pt;">4 نیسانا 2024</span></h3>
