ئەڤرۆ ل سەلاحەددین سەرۆک مەسعود بارزانی پێشوازی ل لژنەیا شەهید و قوربانی و زیندانییێن سیاسی ل جڤاتا نوونەرێن عیراقێ كر.
د دیدارێدا دانوستاندن ل دۆر گرنگیدانا هەماهەنگییا دناڤبەرا هەرێما کوردستانێ و حکومەتا عیراقا فیدرال کر ب مەبەستا زێدەتر خزمەتکرنا کەسوکارێن شەهید و ئەنفالکری و زیانڤێكەفتیێن دەستێ ڕژێما پێشتر یا عیراقێ.
سەرۆك بارزانی هێما ب تاوانا رژێما پێشتر یا عیراقێ دا ل بەرامبەر گەلێ کوردستانێ و ب پێدڤی زانی حکومەتا فیدرال گرنگیێ ب بابەتێ قوربانییێن دەستێ رژێما پێشتر یا عیراقێ بدەت.
هەر د ئەڤێ دیدارێدا سەرۆك و ئەندامێن لژنا شەهیدان و قوربانییان و زیندانییێن سیاسی یێن جڤاتا نوونەرێن عیراقێ كورتیەك ل کار و پڕۆژە و ئارمانجا سەرەدانێ بۆ هەرێما کوردستانێ و هەماهەنگییا ل گەل حکومەتا هەرێما كوردستانێ بەرچاڤكر.
