نێچیرڤان بارزانی، سەرۆكێ هەرێما كوردستانێ د 49 سالییا دامەزراندنا ئێكەتی نیشتیمان كوردستان پیرۆزباهیییەك بەلاڤكر.
دەقێ پەیاما نێچيرڤان بارزانى؛
بەرێز بافل جهلال تالهبانى
سهرۆكێ ئێكەتی نیشتیمان كوردستان
سلاڤ و ڕێز..
د سالڤەگەرا (49) سالییا دامهزراندنا ئێكەتی نیشتیمان كوردستان ب گهرمى ل هەوە یێن بەڕێز و مهكتهبا سياسى و سهركردايهتى و جڤاتا پاراستنا بەرژەوەندییێن بلند یێن ئێكەتی نیشتیمان كوردستان و هەمی ئهندام و لايهنگر و جهماوهرێ ئێكەتیێ پيرۆز دكهم، هیڤیا سهركهفتن و پێشكهفتنا بهردهوام بۆ دخوازم.
د ئەڤێ ڕۆژا ب ڕێزدا دامەزرێنەرێ ئێكەتییێ، خودێ ژێ ڕازی سهرۆك مام جهلال و ههمی ئهوان تێكۆشهران ب بير دئینین كو ژ پێخەمەت ئازادییا كوردستانێ د ڕێزێن ئێكەتی نیشتیمان كوردستانێ دا، خەبات كرییە و دكەن. دیرۆكا خەبات و تێكۆشانا ئێكەتییێ بلند د هەلسەنگینین.
هەر د ئەڤێ ڕۆژێدا دووپات ل ئامادهيی و ڕۆلێ گرنگ یێ هەوەیێن بەڕێز و ئێكەتی نیشتیمان كوردستان د پرۆسهیا سياسییا عیراقێ و ههرێما كوردستانێدا دكەین. هیڤیدارین ئەڤ ڕۆژە ببیتە هاندەرێ لێكگەهشتن و تەڤاهی و پێكڤەیا لایەنێن سیاسی ژ پێخەمەت پاراستنا قەوارەیێ فیدرال و مافێن دهستووری یێن ههرێما كوردستانێدا.
ههر سەركەفتی بن.
نێچيرڤان بارزانى
سهرۆكێ ههرێما كوردستانێ
01-06-2024
