ل سەلاحەددین سەرۆك مەسعود بارزانی ئەڤرۆ ڕۆژا دووشەمبی پێشوازی ل ستیڤن هیتچن، بالیۆزێ بریتانیا ل عیراقێ کر.
د دیدارێدا بەحس ل دووماهی پێشهات و ئالۆزییێن دەڤەرێ ب گشتی و ڕۆژهەلاتا ناڤەڕاست ب تایبەتی هاتە كرن، هەردوو لایان دووپات ل هندێ كر كو دەڤەر زێدەتر پێدڤی ب سەقامگێری و ئاسایشێ هەیە.
پەیوەندییێن دناڤبەرا حكومەتا هەرێما كوردستانێ و حكومەتا عیراقا فیدرال و دەرئەنجامێن دووماهی سەرەدانا سەرۆك بارزانی بۆ بەغدا و دیدار و كۆمبوونێن ل گەل لایەنێن سیاسییێن عیراقێ و بالیۆز و هنارتییێن وەلاتان ل عیراقێ تەوەرەكێ دی یێ كۆمبوونێ بوون.
هەر د كۆبوونێ دا ڕەوشا شنگالێ و ئاسایكرنا رەوشا دەڤەرێ و بجهئینانا ڕێككەڤتناما شنگالێ گوتۆبێژ كر، ژ لایێ خۆڤە سەرۆك بارزانی بەحس ل بزاڤ و قوربانیدانێ كر كو ژ پێخەمەت ئازادكرنا شنگالێ و شكاندنا تیرۆرستان كر.
