كۆمیسیۆنا بلندا سه‌ربه‌خۆ یا هه‌لبژارتنێن عیراقێ پاداشتێ داراییێ كارمه‌ندێن سه‌ر سندووقێن ده‌نگدانێ بۆ هه‌لبژارتنێن په‌رله‌مانێ كوردستانێ دیاركر، كو 150 هزار دینار بۆ 250 هزار دینارن.
عیماد جه‌میل سه‌رۆكی تیما ڕۆژنامه‌ڤانییا كۆمیسیۆنا بلندا سه‌ربه‌خۆ یا هه‌لبژارتنێن عیراقێ دیاركر، ئه‌گه‌ر كارمه‌ندێ سه‌ر سندووقان فه‌رمانبه‌رێ حكومه‌تێ بیت، دێ 150 هزار دیناران وه‌رگریت، ئه‌گه‌ر ده‌رچوویێ زانكۆیێ یان قۆتابییێ ئاماده‌یى بیت، دێ 250 هزار دیناران وه‌رگریت.
گوت ژى: ئه‌و كارمه‌نده دێ ل سه‌ر دوو پشكان هێنه به‌لاڤكرن، پشكه‌ك بۆ ده‌نگدانا تایبه‌ته و پشكا دى بۆ ده‌نگدانا گشتییه، پاداشتێ وان ژى دێ د ده‌مێ شه‌ش هه‌یڤاندا پشتى ده‌نگدانێ هێنه دان.
ل دووڤ زانیارییان ل پارێزگه‌ها دهۆكێ 10400 كارمه‌ند دێ ل سه‌ر سندووقێن ده‌نگدانێ هێنه دانان.
