مەکتەبا سیاسییا پارتى دیموکراتى کوردستان پهیامهك بهلاڤكر و دیاركر، ب ههلكهفتا جەژنا نەورۆزێ گەرمترین پیرۆزباهییێ ل گەلێ خۆ كر، كهلتوورێ مە خودانا ناسنامەکا ڕاستەقینە و تایبەتمەندییا خۆیه و هەتا ئەڤرۆکە گرنگى ب وێ نەریتى دایه و پاراستییە.
مەکتەبا سیاسییا پارتى دیاركر، هاتنا بهارێ و جەژنا نەورۆزێ، هاندەر و بزاڤا گیانێ ئازادیخواز و ڕزگاریێیە، هێمایێ ئێکبوون و ڕابوونێیە، نیشانا ڕۆژەکا نوویە ل ههموو کوردستانێ، ڤێ ڕۆژێ وەك دەرفەتەك دزانین بۆ ڕێکخستنەڤە یا مالا ناڤخۆ و هەماهەنگییا زێدەتر و نێزیکبوونا هێز و لایەنێن سیاسی بۆ ئێکگرتنا گۆتارا سیاسی و بزاڤان بۆ چارەسهركرنا ئاریشهیان.
