عێراقێ كوژمێ ملیارەک و 500 ملیۆن دۆلاران بۆ ته‌مامكرنا پڕۆژێ بۆریا نه‌فتا به‌سڕە-حه‌دیسە بۆ توركیا و سوورییێ ته‌رخان كر.
نڤیسینگه‌ها راگه‌هاندنا سه‌رۆكوه‌زیرێن عێراقێ ئاشكرا كر كو، محه‌مه‌د شیاع سوودانی سه‌رپه‌رشتیا كۆمبوونه‌‌كا تایبه‌ت كرییە بۆ دووڤچوونا پڕۆژێ هێلا بۆرییێن نه‌فتا (به‌سڕە- حه‌دیسە).
د وێ كۆمبوونێ دا، سوودانی راگه‌هاند: پڕۆژێ بۆریا ڤه‌گوهاستنا نه‌فتا به‌سڕە – حه‌دیسە، دێ ئاسانكاریێ كەت بۆ ڤه‌گوهاستنا نه‌فتا خاڤ ب ره‌خ به‌نده‌رێ جه‌یهانێ یێ توركی ڤە.
هه‌روه‌سا دێ گەهشتنا نه‌فتێ بۆ به‌نده‌رێن بانیاس (ل سووریا) و عه‌قه‌به‌ (ل ئوردنێ) ژی مسۆگه‌ر كەت.