<h2>ههر كهسێ مافێ ئاكنجیبوونا خۆ نوو بكهت دێ 75%ـێ ژ سزاییێن وی بوورین وەزارەتا ناڤخۆ یا حکومەتا هەرێما کوردستانێ، ل دووڤ ئهوێ دەستهەلاتا د قانوونا ژمارە (6 یا سالا 2009)ـێ دا هاتیەدان، بڕیارەکا تایبەت بۆ هاریکاریکرنا بیانییان دا، ئهوێن ب فەرمی و ب ڕێیا ڤیزێ هاتینە هەرێمێ و ب هەر ئەگەرەکێ ههبیت نەشیاین ڤیزێن خۆ درێژ بکەن یان ئیقامه نهبیت و یان ژی ب سەرڤهچووبیت.</h2> <h2> وەزارەتا ناڤخۆ د وێ بڕیارێدا دیاركر، ئەو كهسێن بیانی و دڤێن ل هەرێما کوردستانێ ب مینن و ئیقامهكا نوو چێکەن یان کارتێن خۆ نوو بکەنەڤه، د 90 ڕۆژێن بهێتدا سەرەدانا ڕێڤەبەرییێن ئیقامێ بکەن، ب تنێ%25 ـێ ژ سزایێن گیرۆبوونا وان دێ هێتە وەرگرتن، ئەو كهسێن بیانی و دڤێن ژ هەرێما کوردستانێ بچن و ڤەگەڕنە وەلاتێ خۆ، دێ ههر ب هەمان شێوە مفادار بن ژ داشکاندنا سزایان.</h2> <h2> دهێته زانین، ئەڤ فەرمانە ژ ڕۆژا دەرکەڤتنا وێ دێ هێتە بجهئینان و بۆ دهمێ90 ڕۆژان دێ یا كارا بیت، پشتی ب دووماهی هاتنا وی دەمی، هەر جۆرە سەرپێچییەکا دی ل دویڤ ڕێنماییا ژمارە 1 یا سالا 2021ـێ سەرەدەری دگەلدا دێ هێتە کرن و تمامییا سزایان دێ ژێ هێنە وەرگرتن.</h2>
